Ringtu Nun

Ringtu nun ti hi hril dan ding tam tak a uma. Tlawm azawng zuk tar lang ei ta, Pathien le ei in zawmna (Personal relationship with God) ti hi nisien. Tlawmte in hai hril sei met lang, mi tam tak chu an hai piengthara, Pathien le in zawmna, Pathien nau ni na an hai an chang char in an lawm em ema, danglam ta huk damin an in an in hriet hlak anih. Khalai zing khan a then tam tak chu sawt naw te hnungah an da nawk nghal pei hi ieng lei am ni tang ata?

Ringtu kalchawina ahin, hraw thel ei nei hlak lei anih. Pathien le ei hung in zawm char hin, hmelma pa Setan khawmin nasa takin mi sawisak tum in thang alak ve a, a varna hai po po hmang in a mi bei hlak ani. Ei hmelma pa hi a chet dan ei hriet thiem hi a tul khop el. Ei mihriem varna ruok chun ei hriet thiem ngai naw ding ani leiin, Pathien thu tiema Pathien le in pawlna ei nei zing hi a pawi maw anih. Daily basis a ding ani tina ani chu. Ei Piengtharna a khan dit tawk el lovin, taimak ei insuo tak zet a tul anih. Bible chun thaw khawm thaw pei lo chun fa khawm fa naw raw sen a tia, Pathien thu tiem le tawngtai ei pei naw chun, thlarau a hrat tak a um chu ei in beisei naw ding tina a ni chu.

Pathien thu hi ei hringnun a hin ei hmang a tul tak zet ani (Bible is Life's Handbook). Hi khawvel ei dam sung ngei a ei hmang naw chun, ei thi pha le chu hmangna bo ani ding ani. Bible a hin Pathien in ama tawngbau ngei a ami lo tiem malsawmna tam tak an ziek a, a zawng dawk chu ei ni chan ani. Ei zawng pei naw chun ei hmu naw ding ti na a nel. Malsawmna dit lo chu tu khawm ei um ka ring naw, chu lei chun, thang ei laka, taimak ei in suo a tul ani. A naupa hman in ro lova mi petu chun thil dang ei pawimaw khawm a mi pek in hawk dan ding chu in ngaituo ve hlak diem chu aw? Ana chu hilai tak a hin chu condition apply ani ve tlat. Ei hrietthiem seng ka ring.

Unau hai ringtu nun hi a mei mei a ei hmang chun thil tam tak ei chan ding el khel bakah chatuon hringna ei chan sa ding hi ei ngaituo ve hlak am? Sunday chova ringtu ni dam, Sunday chova CD player piengthar dam, Sunday chova nun nem dam, Sunday cho a in pakna hla sak dam, Sunday chova titak na cho dam, Sunday chova zudawn lo dam, Sunday chova nun theinghlim tum dam, etc. hai hi ei pathien hin a lawm bek chu ringaum naw khawp el. Compromising Christians ni naw tum seng ei tiu. Ei la ziek sa pei ding anih.