Tun hma atang tawhin, mi tam takin piangthar duhin gospel campingahte kan luat luai luai thina, a then chu mahni duh thuin kan luta, a then chu nu leh pate nawr luihna a vangin kan luta, mahse eng mah tak tak ang lovin kan chhuak leh thina. A then azar chu lo piangthar awm thin mahse, a then chu piangthar thei miah lote kan awm bawk ani. Kan pianthar tum dante hi in enchian chu angai hlein ka hria.
Camping hi ka sawiselna ani lova, a that lai rengin a that lohna pawh a awm ve tho ani. Pianthar kan tumna luata, campinga in nghat tawpte kan awma, a leh pekah chuan ngei ngeiin ka in hmuchhuak tawh angte kan ti mai mai thin hi chu a pawi ani. Pathian kan hmuh tum dante hi a in ang lo nual awm e. 2Chronicles 7:14, “Ka hming pu ka mite chuan inngaitlawma an tawngtai a, min zawna, an awm dan sualte an hawisan chuan, van atangin ka lo ngaithla ang a, an sualte ka ngaidam ang a, an ram chu ka ti dam leh ang.” He tianga ti mite hi ani Lalpan a ngaihdam turte chu.
Pathian hi thinlung tak taka kan zawn thin loh avang in alawm, zawn hmuh a har kan tih thin em em ni. Campingah pawh vawi za tam lut tlut tlut mah ila, a chunga Bible chang a in ziak ang a Pathian hming kan lam loh chuan a ngaite ang bawkin kan hlawhchham fovang. Piangthar da leh kan tithe pawh hi engdang mah ani lova, a camp boruak avanga piangthar anni fo thin ani. Simna tel lova pianthar hi piantharna dik tak ani lova, piangthar lo ani mai ani. Mi tu pawh Pathian thlarau thianghlim a chan tawh chuan chhunglam nun in thlak thlengna a lo awma, chuan zawi zawi in pawn lamah a rawn lang chhuak thin ani.
He ti hian Hosea 6:1-3 ah chuan ti hain a ziak ani, “Hawh u, Lalpa hnenah I kir leh ang u, min lo pawt sawm tawh na a, min tidam leh dawn si a. Min lo vaw tawh na a, min tuam leh dawn si a. Ni hnih chinah min tinung ang a, ni thum niah min kaitho vang a, a hmaah kan awm ang. Lalpa hriatna chu I um zel ang u khai, I hria ang u. Zing anga khel lovin a thawk chhuak ngei thin ani. Kan hnenah ruah angin, ruah hnuhnung, lei tihuhtu ang main a lo thleng ang.” He chang hi Pathian min kohna ani a, Israel fate ang a kan ring ti khawng tlat thin lovin, in ngaitlawma a hnen lama lungchhira kan kir chuan, Pathian in kan bawlhlawh na zawng zawngte min ngaidam ang a, sima a lam kan hawi chuan Pathianin kan Eden natna pawh Kalvari dawmdawi tha mi in min ti dam dawn ani.
He piantharna dik tak hi kan neih hunah chuan, kan hnenah ruah angin, ruah hnuhnung, lei tihuhtu ang mai in alo thleng dawn ani. He ruah hnuhnung kan tih hi Pathian kan neih china chuan Thlarau Thianghlim, kan nun tuihal ti reh turin Pathianin kan hnenah a rawn tir dawn tihna a nih chu. Thlarau Thianghlim kan neih chinah chuan piangthar nun dik tak kan nei tawh anga. Kan chenpuite emaw, kan thiante emaw, kan sikul kal puite, min dawr tute emaw, tu pawhin keimah niah Pathian hnathawh an hmu tawh dawn ani. Chu mi chuanin nasa takin, kan inchhung khurah, kan kohhranah, kan khawtlang nun thlengin thatna danglam tak a siam dawn ani.
A tawp ber atan, Kohhran pawhin engang pawhin camping huaihawtin tan la mahsen nangmah i in peih loh chuan eng tihna mah ani chuang lovang. Piantharna dik tak I chan duh chuan, in ngaitlawm tak leh tih tak tak na nun nen Lalpa hming lam la ti chuan Aman alo ngaithla ang chea, I sual a ngaihdam sak ang che. Tichuan I lo piangthar ve tawh dawn nia. Khawi hmunah pawh awm la, campingah I lut emaw I lut lo emaw , I hriat reng tur chu, Pathian hi I thawk lak ai khan a hnai zawk ani ti hre fovang che. Nangmahah a awm renga, I chet tir duh leh duh lo thu ani mai.
